Dodda

Da oda as Dodda (dt.: Dotter, griech.: λέκιθος, lekithos, lat.: vitellum) is a Osommlung vo Reseavestoffe vo ana Eizej. Diesa Speicha liefad'm se entwicklndn Embryo Baustoff und Neahstoffe, bis da Oaganismus sejbststendig Noahrung afnemma ko.

Ofongs san diese Speichasubstanz (Neahdodda) und de Oazej (Buidungsdodda) gmoasom vo da Vitellinmembran (Doddahaut) umgem. Diese Gsomtheit wead oigmoasprochli und insbsondare ba Vogloa ois Dodda oda Oagejb bzeichnd.

De Oazej liegd zwecks Befruchtung ois floche Scheim (Keimscheim) unmiddlboa unta da Doddahaut. Diese bstähd aus Protein und entsprichd da Zona pellucida vo de Saigeviecha (Mammalia). Keimscheim hoassn aa no de ba Vegl und Reptijien flochn Stadien vo da Embryogenese. Im weidan Valaff wead da Dodda vo embryonoin Zejn umwoxn und ausbeitd.